2004-2005
2005-2006
2006-2007
2007-2008
وكدا تبقي سنوات تجارة اللي قضيناها مع بعض دفعة 2008
من اول سنة اولي حتي التخرج
يااااااااااااااه كل ده فات من حياتنا كل السنين دي مرت علينا بحلوها ومرها وافراحها واحزانها
فاكرين اول يوم في الكلية فاكرين سنة ورار سنة ورا سنة والايام بتعدي بس ان شاء الله السنة دي مش هننساها طول حياتنا
نفسنا تكون سنة جميلة سنة تمحي اي ذكري اليمة لنا في الكلية وتثبت اي ذكري او عمل لله نجده عند الله يوم القيامة
نفسنا تكون سنة ايجابية ونترك اجمل واحلي ذكري لكلية تجارة ولزملائنا اللي جايين بعدنا
وباذن الله يكون ده شعارنا
سنة .....هنفتكرها سنين
محمود عز-عمر جمال
هناك ١٠ تعليقات:
ياه خلاص بقيتوا فى سنة رابعة وهتمشوا وتسيبونا
من اجمل شباب الكلية عمر وعز فى الاول احب اهنيكم بالمدونة الجديدة لكن معترض على اسم الموضوع سنة هنفتكرها سنين بالعكس سنة هتفتكروها ثوانى الا بقى لو انتم ناويين تعملوا فى السنة دى اعمال متتعملش الا فى سنين منتظر منك المزيد ويا ريت يكون ليكم برنامج واضح او تبينوا ناويين على اية يا اجمل شباب .
ان شاء الله هيكون في شغل جامد السنة الجاية وفي برنامج هنقوله للطلبة وسنة هنفتكرها لسنين
وانتظروا الجديد
عمر جمال عبدالسلام
منتظرين وربنا يوفقكم وتذكروا انما الاعمال بالخواتيم
يااااه ادارة 2008
ربنا يوفقكم ويثبتكم
في ناس كتيره عندكم عايزه تعمل حاجه للكلية من الشباب والبنات
ياريت تلتقو بيهم في المدرج وتتتفقو مع بعض مفيش احلى من العمل الجماعى وانتم ادرى بذلك
انا خريجه ادارة 2007
ان شاء نعمل حاجات جميلة ياأ/سلوي
وجزاكم الله خيرا علي التعليق
الســـــــلام عليكم
بجد انا فرحانة اوي .. يعني دفعه ادارة السنة اللي فاتت كانت جامده جدا
والسنادي برضو تبشر .. ربنا يكرمكم يا رب .. ويا ريت تقولولنا كل اخباركم .. علشان نستفيد منكم
ربنا يوفقكم :)
اهنيكم الاول على المدونه الجديده
بش شكلكم هتبقوا دفعه جامده ان شاء الله
وعلى فكره انا برضه خريجه 2007
بجد جميلة المدونة..اسأل
الله أن ينفعنا وإياكم بها.وتكون خطوة مشجعة لمن وراءنا..4إدارة2008
انا معرفش ان كان حد لسه بيفتح المدونه ولا لا بس انا كنت معاكم فى الدفعة وفعلا هيا سنة بالعمر كلة وأدعى ربنا يجعنا كلنا فى الجنة ان شاء الله
وياريت حد يتواصل معايا بأى طريقة لو ممكن
بعد كل السنين دى لسه مقتنع ان دى كانت اجمل ايام
إرسال تعليق